عَلَى وشّو تصَوّرنِي يالداشر

عَلَى وشّو تصَوّرنِي يالداشر.. ؟!!!



عَلَى فقري .. !!



عَلى بَختِي ..


أنَا واختِي !



وهَذا المُوت ثَالِثنَا



زوَايَا الخُوف تسكنّا



ويلبَسنَا فقر عَاري



*



*



وأتوسّد حزن غافي ..



وانام وخاطري مكسور



تحاصرني شياطين الهموم وتهدم جداري



شف اطرافي



كساها البرد وأسراب الطفولة بور



شف اختي



زولها ذاوي هزيل.. ودمعها جاري



شف حدود الرصيف اللي قرا ميلادي المهجور



بلا [ يمّه ] أرددها .. وأشوف بحضنها داري



فتات الخبز واسمال الفقـر والهم والديجور



تخاويني وانا توّي ولا لي بالحزن طاري



صفت لي دمعتين في محاجر ماغزاها النور



ترتبني على جال المواجع و العنا جاري



إذا ودك [ تصورني ]



وتكتب بالضياع سطور



دخيلـك بلـّغ العالم تراهم جنتي وناري



وإذا عز الطلب



وألقيت مأساتي وراء السور !!



أبي منّك كفن يستر بقايا جسمي العـاري




ملطوووش كالعاده

اللهم لك الحمد على ما انعمت علي به من نعمك التي لا تحصى


يسلموو ام معيض على الموضوع ويعطيك العافيه على اللطش المعتاد عليه